放工前(我重係學校)...竟然收到一位麻煩同事既電話(佢已經走左),佢一路係到講佢好嬲佢都唔知點做好,我就一路係咁聽佢講...重比佢做埋出氣袋

究竟你想點呀?!你自己要搞d野出0黎,但自己搞唔掂...又要係度話我地唔理,又話我地好似唔理佢咁...大佬,你自己一路跟進,我地咩都唔知...依家有少少阻礙你就發晒癲,人地比意見你,你又唔喜歡...又要人地認同你既意見,咁你想點呀?!我唔想再受你既氣同做你既出氣袋...有咩野唔好搵我傾...唔該去搵校監啦!

今日有舊生返0黎探我...佢地咪就係我對花仔花女囉!無見兩個月,佢地高左好多,大個左好多呀!

放工約左Queenie妹妹去cwb行街...今晚我地兩個係shiseido出血,我重係sogo買左支Kitty筆,好開心呀!

呢排成日買野,係時候收手啦!

今晚同士巴拿食完飯,佢就出左跑馬地睇佢d波友踢波...我就自己係沙田行左陣,咁岩妹妹都出左沙田...同佢行左陣,竟然有收獲

多謝Queenie妹妹送對Kitty拖鞋比我做聖誕禮物...謝謝

呢個Chip & Dale拼圖匙扣,返到屋企一陣就砌好啦!

今日出左沙田食野~食完野去左b+ab,點知都係服輸買番尋日見到個件褸之後,係百老匯買吸塵機...因為係b+ab買野,再去it shop就可以有半價優惠...最後,我竟然可以係it買左三對鞋,真係大出血呀!

今日重晒左相比d朋友,你地會陸陸續續收到架啦!...而親戚個d就一早晒左比佢地喇!!而今晚一次過分晒d相lu

今日學校既小朋友參加左教區120周年堂慶~"天國在人間"音樂劇...雖然我唔洗負責帶小朋友,但我都有去捧場睇佢地表演...重帶埋新相機影佢地o忝

睇完佢地表演...我就約左士巴拿同妹妹係旺角新世紀行下,重影左少少聖誕佈置...原本想買件褸,但有少少唔氣~所以打算返沙田先買

今日士巴拿約左去法國醫院幫佢兩隻手指整個套,咁就可以保護到兩隻骨折既手指...同時有個物理治療師幫佢睇下,佢話三個星期會生番埋...完全好番晒就最少要六個星期,不過都係因人而異...希望士巴拿快d好番啦!!

今日佢重拎兩張x光片番0黎...見到張片,佢d手指骨折,真係睇見有d心寒呀!

~~我們的大日子20-09-2008...晚宴席前篇part II~~

換左第二套藍綠色晚裝,我好喜歡呢件晚裝,因為夠fashion同埋直身款...今次Maggie同我set左個好爆既頭,可能我好少束起晒前面d頭髮,覺得呢個頭幾搞笑,有d睇唔慣...不過,我都喜歡呢個look

搞掂後,我就出0黎去左洗手間...點知攝影師係洗手間門口等我,又同我係走廊影左d獨照...呵呵不過,影左陣...就比人叫番上台影相+斟茶,之後重完全無停過係咁影相...真係企到我腰骨痛呀!

中學同學大合照...不過,有d未到,所以未齊人

child care同學合照...迅速足球隊

create足球隊

我地影到成八點九,就去換衫準備進場喇!

~~我們的大日子20-09-2008...晚宴席前篇part I~~

去到酒樓休息左陣...我就轉第一套晚裝~豆沙紅晚裝,Maggie好有心機幫我化...重用左佢個靚靚大頭飾,我好喜歡呢個look呀!化完妝出去就係咁影相,攝影師重係咁幫我影獨照...好似影沙龍一樣,哈哈

咁見無咩人0黎到,就同兄弟姊妹影啦...唔係一陣多人,就無機會同佢地影架啦!

之後,就切蛋糕...有一班好兄弟姊妹一齊陪伴我地,真係好開心呀!

當然要影番張大合照啦!

後尾同d朋友影下,又斟下茶...之後,我就準備換第二套晚裝啦!

今晚放工返娘家食飯,士巴拿都有返去...佢隻手開始腫又瘀啦!

今晚重收到表妹既帖,張觀禮咭好靚好特別呀!第一次親戚派帖比我,有唐餅+西餅,感覺好特別呀!

尋晚太夜訓,今日我訓到好晏都未起身~點知收到士巴拿既電話(佢一早出左去踢波)...佢話比我知佢踢波整親兩隻手指,依家去緊醫院,佢叫我唔洗驚,又話無咩事...咁我就即刻起身梳洗+上網睇下點去法國醫院~個一刻心情都無咩野,知道佢一定隻手叉左落地...咁搞掂晒我就出門口,點知去到醫院附近~我個心就諗下佢依家點,擔心既感覺就出現

之後去到醫院見到佢...佢個人無咩野,我都放下心頭大石~不過佢重等緊醫生幫佢睇同照X光...等到佢有D忟憎~等左個幾鐘先去照,照完出0黎醫生話佢兩隻手指骨骨折...要同佢拉番直個位,然後用紗布包好再拎埋藥就走得lu...搞左差唔多三個鐘,後尾妹妹同阿星駕車來接我地返屋企,我地食埋野就回家休息啦!